ഈറൻസന്ധ്യ പുഴകടന്നെത്തുമ്പോൾ
ഇടവഴിയിലൊരുമഴ
ഇടറിയ ഈണത്തിൽ താളത്തിൽ
പെയ്തുപോകുമ്പോൾ
കൂട്ടുകാരീ എൻ മഴമരച്ചോട്ടിൽ
വന്നൊന്നു നിൽക്കുമോ നീ.
എൻ മഴക്കൊന്നു നിന്നെതൊടുവാൻ
എൻ മഴക്കൊന്നു നിന്നിൽ പതിക്കുവാൻ,
ആർദ്രമായ് ആർദ്രമായ് നിന്നിൽ പടരാൻ
എൻ മഴമരച്ചോട്ടിൽ വന്നൊന്നു നിൽക്കുമോ നീ.
ക്ഷ്ണികമേയുള്ളൂ ഇടറിയ
ഈണത്തിൽ താളത്തിൽ
പെയ്തുതോരാനിനീ.
അറിയാം ഈമഴ നീ നനയില്ലെന്ന്.
എൻമഴ നിന്നിൽ പതിക്കില്ലെന്ന്.
എങ്കിലും ഏകാന്തമേഘമായ്
നിൻമഴയാകുവാൻ കാത്തിരിക്കാം.
ദൂരെ ദൂരെ നിന്നെ കണ്ടാൽ
ആർത്താർത്തു പെയ്യാൻ കാത്തിരിക്കാം.
അന്നെങ്കിലും നീ ഈ മഴയേ അറിയൂ...
അന്നെങ്കിലും നീ ഈ മഴയൊന്നു നനയൂ...
