നിൻ ഓര്മ്മതന് പുസ്തകതാളില്
ഒരു മയില്പ്പീലിതുണ്ടുഞാന് വെക്കുന്നു
ആ മയില്പ്പീലി നേത്രങ്ങള്
എന്റെ സൌഹൃദമാണ്
സമയചക്രം ആവര്ത്തന പാതയിലൂടെ -
മുന്നേറുമ്പോള്
കാലം
പുഴയും കടലും കടന്നു
മുന്നോട്ടുപോകുമ്പോള്
ഒരു ചെറു പുഞ്ചിരിയോടെ
അല്ലെങ്കില് കണ്ണീരോടെ
ഒരു ബിന്ദുവില് നിന്നും
ഇരു വശങ്ങളിലേക്ക് നാം അകന്നു പോകും
ആ ജീവിത യാത്രയില്
എന്നെങ്കിലും ഒരുനാള്
നിയാ പുസ്തകതാളുകള് മറയ്ക്കുമ്പോള്
ആ മയില്പ്പീലി നേത്രങ്ങള് -
ആര്ദ്രമായിരിക്കും
ആ ആര്ദ്രത എന്റെ -
കണ്ണുനീര് തുള്ളികളാണ്
നഷ്ട സൌഹൃദത്തിന്റെ
ബലികുടീരത്തിന് മുന്നില്
ഞാന് പൊഴിക്കുന്ന
എന്റെ ചുടു കണ്ണീര് ................
[വി കെ]
No comments:
Post a Comment