യാത്ര പുറപ്പെടുകയാണുഞാന്
മരണത്തെതേടി
വളവുകളൂം
കവലകളും കടന്ന്
യാത്ര തുടര്ന്നു
വഴി തെറ്റുമെന്ന് തോന്നിയപ്പോള്
എതിരെ വന്ന യത്രികനോട്-
വഴി ചോദിച്ചു
അവന് ചൂണ്ടിയ വഴിയെ നടന്നപ്പോള്
ഒരു സെമിത്തേരിയിലെത്തി
അവിടെ നിദ്രയിലാണ്ട ആത്മാക്കള്
എനിക്ക് വഴിപറഞ്ഞുതന്നു
ആ വഴിയെ യാത്ര തുടരവേ
ഒരുന്നാള്
എന് രക്തം കട്ടപിടിച്ച്
ഹൃദയമിടിപ്പുകള് കുറഞ്ഞ്
മണ്ണില് തലചായ്ച്ചപ്പോള്
മരണം എന്നരികില് വന്നുചോദിച്ചു
നിനക്കൊന്നു തിരിഞ്ഞുനോക്കാമായിരുന്നില്ലേ
ഞാന് നിന്റെ പുറകില് ഉണ്ടായിരുന്നു.
[വി കെ]
No comments:
Post a Comment