ഒരു തീവണ്ടി യാത്ര

പ്രകൃതിയെ  തള്ളി പുറകോട്ടുമാറ്റി

സമയത്തിനു മുന്നെ ഓടുന്ന തീവണ്ടിമുറിയിലിരുന്ന്

അവൾ സ്വപ്നങ്ങൾ കാണുകയായിരുന്നു 

സ്വപ്നങ്ങൾക്ക് ഒരു പുതുകുപ്പായം തുന്നുകയായിരുന്നു

പക്ഷെ,
അവൾക്കറിയില്ലല്ലോ 

ആ പുതുകുപ്പായം പിച്ചികീറുമെന്ന് 

അവളുടെ സ്വപ്നങ്ങളെ നഗ്നയാക്കുമെന്ന്

റയിൽട്രാക്കിനരികിൽ 

കരിങ്കൽകഷ്ണങ്ങൾക്ക് -

കൂട്ടായികിടക്കുമെന്ന്

ജീവനറ്റ ആ ശരീരത്തിൽ

ഇങ്ങനെയൊക്കെ കുത്തി കുറിക്കുമെന്ന് 

അവളുറങ്ങുന്ന മണ്ണിനരികിലിരുന്ന്

മാപ്പിരക്കുമെന്ന്..............................

                             [വി കെ]