നിന്നില്നിന്ന് എത്രദൂരം പിന്നിട്ടു..
നിൻറെ മിഴിയോരം മുറിച്ചു കടന്നോ
കാൽപ്പാടുകൾ കാതങ്ങൾ താണ്ടിയോ .....
ഇല്ല ,
ഞാനോ നിയ്യോ എങ്ങും യാത്രപറഞ്ഞു പോയിട്ടില്ല
ഈ ദൂരങ്ങളത്രയും
മൌനത്തിന്റെ കണ്ണാടിയിലെ പ്രതിബിംബങ്ങളാണ്.
പിൻവിളികൊണ്ട് എറിഞ്ഞുടക്കാവുന്ന ചില്ല്..... അത്രയേയുള്ളൂ .
പക്ഷെ വാക്കുകൾ വറ്റിപ്പോയ ഈ അരുവിയിൽനിന്ന്
നമ്മളിലേക്കുള്ള ദൂരങ്ങളെ എറിഞ്ഞുടക്കാൻ
എനിക്കോ നിനക്കോ വാക്കുകളുടെ ഒരു വെള്ളാരംകല്ലുപ്പോലും കിട്ടുന്നില്ലല്ലോ...