ഏകാന്ത നിത്യനിരാശ ശാഖി

ഒരു നനുത്ത മഴപ്പോലെ
എൻസങ്കല്പ പ്രഭാതപടിവാതിലിൽ
മയിൽപ്പീലി മനസ്സിന്റെ മിഴിയരങ്ങിൽ പ്രണയശാഖിയിലാഹരിതഭംഗിയിൽ
ഇന്നലെ പെയ്തൊഴിഞ്ഞ പെണ്ണേ
നിൻ സ്നേഹാർദ്രമഴത്തുള്ളി
കാൽപ്പനിക സൗന്ദര്യ ജലബിന്ദു
തങ്ങിനിൽക്കുന്ന
വെറുമൊരു കാമുകദളമിന്നുഞാൻ.
വെറുമൊരു കാമുകദളമിന്നുഞാൻ.
എവിടെ നീ സഖീ....

പൂക്കുന്ന ഓരോ മഴക്കാറിലും
പിന്നെയോരോ വർഷഋതുവിലും
നിന്നെ തിരഞ്ഞുപോയെങ്കിലും
നിൻഅസാനിധ്യഇരുൾസാഗരം മാത്രം.
ഘനശൈത്യ ജലത്തുള്ളികൾ മാത്രം

ഇന്നിതേ...
വെയിൽകാറ്റുവീശി കടന്നുപോകുന്നു
ശിശിരവും സന്ധ്യയും
കൈകൾകോർക്കുന്നു...
ഇലകൾ കൊഴിഞ്ഞുഞാൻ -
വെറുമൊരു
ഏകാന്തനിത്യനിരാശ ശാഖിയാകുന്നു.
പ്രിയസഖി,ഞാൻ വെറുമൊരു
ഏകാന്ത നിത്യനിരാശ ശാഖിയാകുന്നു